Shef i sektorit politik i delegacionit të Bashkimit Evropian në Tiranë, Alexis Hupin në një prononcim për mediat ka komentuar zgjedhjen e kryebashkiakëve të rinj.
Zyrtari evropian në fjalën e tij është shprehur se tashmë opinionin në lidhje me mbarëvajtjen e procesit zgjedhor e ka dhënë BE dhe ajo që është e rëndësishme është bashkëpunimi që do të kenë autoritetet e zgjedhura lokale me ne.
Sipas tij puna e tyre është e rëndësishme pasi 70% e legjislacionit Evropian do të vihet në zbatim nga ato.
“Nuk dëshiroj që të bëj një koment për procesin e zgjedhjeve kjo për arsye se OSBE-ODIHR është shprehur në lidhje me procesin zgjedhor.
Ajo që unë pres është bashkëpunimi me autoritetet vendore një punë kjo që do të jetë shumë e rëndësishme për të ardhmen e Shqipërisë.
E vetmja gjë që unë them është se ne presim bashkëpunim me autoritetet e zgjedhura dhe se 70% e legjislacionit të BE do të vihet në zbatim nga autoritetet vendore, ndaj do të jetë e rëndësishme puna e tyre për integrimin në BE”, ka thënë ai.
