Zyra e Kryeministrit të Kosovës, Albin Kurti, iu ka kërkuar këshilltarëve të kabinetit qeveritarë që me anë të një raporti të plotësojnë të dhënat për kallëzimet penale dhe rastet që i kanë dërguar në Prokurori dhe në Polici, shkruan Gazeta Metro.
Burime të Gazeta Metro kanë dërguar fakte se si Asistentja Ekzekutive e Shefit të Stafit të Kryeministrit, Arlinda Berisha, u ka dërguar këshilltarëve të ministrave një e-mail, ku iu kërkon atyre një raport të tillë.
Në e-mail-in dërguar këshilltarëve të kabinetit qeveritarë, iu është kërkuar atyre që tabela me të dhëna të dërgohet deri me datë 9 maj. Derisa në bashkëngjitje të këtij e-maili është edhe Luan Dalipi, Shef i Stafit të kryeministrit të Kosovës.
Ju lutem ta plotësoni tabelën e bashkëngjitur me kallëzimet penale dhe rastet e dërguara në Prokurori dhe Polici. Tabela duhet të dorëzohet deri me 9 maj (e martë).”, thuhet në e-mail që ka siguruar Gazeta Metro.
Kjo formë e kërkesave dhe e ‘presionit’ ndaj stafit të ministrive nga Zyra e Kryeministrit, nuk është parë më herët. Nga ky e-mail mund të mendohet se kjo Zyrë po dëshiron që të mbledh sa më shumë të dhëna, për ngritje të aktakuzave ndaj zyrtarëve të lartë.
Kujtojmë që disa ditë më parë ishte Kurti ai që sulmonte ashpër sistemin prokurorial duke thënë se ekziston një disponim negativ ndaj qeverisë së tij.
“Unë nuk kam dyshim që në prokurorinë e shtetit dhe atë sa më lart aq më shumë, ekziston një disponim negativ ndaj qeverisjes sonë”, pati thënë Kurti në Kuvend./gazetametr
