Komisioni Qendror i Zgjedhjeve ka publikuar rezultatin për Bashkinë e Tiranës, pas përfundimit të numërimit të votave.
Sipas rezultateve, Erion Veliaj i Partisë Socialiste ka fituar bindshëm zgjedhjet, duke marrë një mandat të tretë për kryeqytetin.
Veliaj ka marrë 158.688 vota, ose 54.69% të votave. Ai pasohet nga kandidati i koalicionit “Bashkë Fitojmë”, Belind Këlliçi me 100.351 vota.
Arlind Qori e mbyll garën për Tiranën me 13 835 vota, ose 4,77 përqind.
Roland Bejko ka 12 388 vota, ose 4,27 përqind.
Marko Dajti mori në këtë garë 2807 vota, ose 0,97 përqind.
Pacific Northwest Experiences Record-Breaking Heat WaveKeep Watching
Ndërsa Lajla Përnaska ka 2104 vota, ose 0,73 përqind.
Kjo është fitorja më e thellë qe ka regjistruar ndonjëherë një kandidat në historinë e Tiranës, duke shënuar në këtë mënyrë edhe një nga humbjet më të thella të opozitës ne histori.
Veliaj ka arritur një fitore të thellë edhe tek tre zonat ku Foltorja kishte shpresa të mëdha, si Kombinati, Astiri dhe “5 Maji”. Madje, Belind Këlliçi ka humbur dhe në lagjen e tij tek “Myslym Shyri”, ku edhe votoi.
