Ambasadori i Gjermanisë në Kosovë, Jörn Rohde, ka thënë se të gjitha marrëveshjet mes Kosovës dhe Serbisë duhe të zbatohen.
Në këtë mënyrë ai është pajtuar me kryeministrin Kurti, i cili ka thënë se pa vonesa duhet të zbatohen marrëveshjet mes Kosovës dhe Serbisë.
”Ne kemi kaluar 2 vitet e fundit duke negociuar një marrëveshje ligjërisht të detyrueshme mes Kosovës dhe Serbisë. Më 18 mars në Ohër Josep Borrell shpalli zyrtarisht marrëveshjen. Ajo që është rënë dakord tani duhet të zbatohet – plotësisht dhe menjëherë. Asnjë zbatim i pjesshëm; pa vonesa”, ka shkruar Kurti në Twitter.
Edhe ambasadori gjerman Rohde ka shkruar në Twitter: Plotësisht dakord – zbatimi i plotë i të gjitha pikave të marrëveshjes nga Kosova dhe Serbia është nevoja e kohës.
