Në objektin e Qeverisë së Kosovës janë shkruar me sprej akronime të Ushtrisë Çlirimtare të Kosovës (UÇK), transmeton Gazeta Metro.
Në pamjet e publikuara në rrjetet sociale shihet se janë vendosur edhe fotografi të ish-krerëve të UÇK’së që po mbahen në Hagë, Hashim Thaçi, Kadri Veseli, Jakup Krasniqi, Rexhep Selimi si dhe Pjetër Shalës, Hysni Gucatit dhe Salih Mustafës.
Kujtojmë që sot nga ora 14:00 do të fillojë ‘Marshi për Drejtësi’ në Prishtinë.
Sheshet në kryeqytetin e Kosovës thuajse janë bllokuar nga pjesëmarrja masive nga qytetarë të mbarë Kosovës.
Ky marsh është organizuar në përkrahje të ish-krerëve të UÇK’së dhe i njëjti është përkrahur edhe nga shumica e partive politike në Kosovë, organizata të ndryshme, artistë e sportistë. /gazetametro.net
