Një rrugë në Vushtrri po kërkohet që të emërtohet Prof.Dr.Ali Jakupi.
“Duke e pasur për bazë veprimtarinë e prof.dr.Ali Jakupit, kërkoj nga Kuvendi Komunal i Vushtrrisë të emërtojë një rrugë në Vushtrri me ikonën prof.dr.Ali Jakupi, që është sinonim i shkencës, ideve ekonomike, vlerave kombëtare dhe profesionale”, ka kërkuar njohësi i ekonomisë, Safet Gërxhaliu.
Prof.Dr.Ali Jakupi ishte ministër i Tregëtisë dhe Industrisë si dhe profesor në Fakultetin Ekonomik.
Kush ishte Prof.Dr. Aliu Jakupi?
Prof.Dr.Ali Jakupi u lind më 6 qershor 1943 në fshatin Shalc, Vushtrri dhe vdiq më 9 dhjetor 2013.
Shkollën fillore e përfundoi në Vushtrri, ku e kaloi një pjesë të fëmijërisë dhe rinisë. Shkollën e Mesme Normale, e kreu në Mitrovicë, ndërsa Fakultetin Ekonomik në Prishtinë. Studimet pasuniversitare dhe magjistraturën në Marketingut i kreu në Zagreb, në vitin 1973, në temën “Roli i propagandës ekonomike si funksion marketingu dhe vështrimi kritik në përdorimin në Kosovë,” ndërsa doktoroi në Fakultetin Ekonomik të Universitetin e Prishtinës, në temën “Finalizimi – dimensionimi i strategjisë së zhvillimit të ekonomisë së Kosovës.”
Krijimtaria e Prof.Dr.Ali Jakupi ishte shumë dimensionale dhe me rëndësi futurologjike.
