Ambasadori amerikan në Kosovë, Jeffrey Hovenier, beson se dy partitë më të mëdha opozitare në Kosovë, LDK dhe PDK, në lidhje me propozimin evropian, përfundimisht do ta vënë interesin kombëtar para interesit partiak.
Në këtë mënyrë, Hovenier ka komentuar qëndrimet e kundërta të partive opozitare, sipas propozimit të Bashkimit Evropian për normalizimin e marrëdhënieve ndërmjet Kosovës dhe Serbisë.
Opozita e bazon refuzimin e saj në mungesën e njohjes reciproke në marrëveshjen për normalizim ndërmjet Kosovës dhe Serbisë, e cila është hartuar sipas propozimit evropian, ku nuk përmendet çështja e njohjes.
Kryetari i PDK-së, Memli Krasniqi, tha se ajo që ka Kosova tani është një marrëveshje e përkohshme jo për njohjen reciproke të Kosovës dhe Serbisë, por me Asociacionin e komunave me shumicë serbe në qendër.
Kurse kryetari i LDK-së, Lumir Abdixhiku, tha se partia e tij beson se Kosovës i duhet vetëm një marrëveshje me Serbinë që sjell njohje reciproke dhe asnjë tjetër.
Shtetet e Bashkuara të Amerikës shprehën shqetësimin për qëndrimet e partive opozitare LDK dhe PDK./FrontOnline/
