Ministrja e Drejtësisë, Albulena Haxhiu është përplasur verbalisht me deputeten e PDK’së, Ganimete Musliu, rreth femicidit e që sipas ministres ka vrasje në Kosovë vetëm pse je grua, ndërsa ka kundërshtuar deputetja Musliu e cila e ka mohuar një gjë të tillë duke thënë se këto gjëra ndodhin vetëm në Afganistan, ndërsa shoqëria kosovare është demokratike, shkruan Gazeta Metro.
Musliu ka thënë se shoqëria kosovare është shoqëri demokratike.
“Jemi shoqëri demokratike, unë e dënoj çdo vrasje, qoftë e burrave apo grave, por nuk jemi shoqëri femicide”, ka thënë Musliu.
“Të dalë një ministre e drejtësisë të flasë në këtë formë, nuk do koment, prandaj jemi në këtë gjendje. Në Afrikën e Jugut vriten gratë dhe vajzat në rrugë vec pse janë vajza. Në Afganistan mund të themi se ka femicid. Me pas kanë unë ministre e drejtësisë dhe të dalë një deputete e partisë time të kërkojë Komision Hetimor Parlamentar për vrasjen e grave. unë sot kisha dhanë dorëheqje”, ka shtuar Musliu,
Ndërsa ka reaguar ministrja e Drejtësisë, Albulena Haxhiu e cila ka thënë se në Kosovë ka femicid.
“Po në Kosovë ka femicid, mendësia jote shpërfaq mendësi e qeverisjes së PDK’së, vetëm 14% përqind e grave janë pjesë e tregut të punës”, tha Haxhiu duke ju përgjigjur deputetes Musliu.
“Nëse s’mund të na ndihmon, heshtni”, vazhdoj tutje Haxhiu.
“Keni kujdes se unë se kam shpikë fjalën femicid, a është nënë grua, a është motra dhe mësuesja grua, keni kujdes kur përdorni terminologji ‘high class’ (e klasës së lartë)”, tha Musliu.
“Jam për për dënim maksimal për ata që shkaktojnë dhunë ndaj grave. Prandaj unë reagoj kur tentohet të quhemi shoqeri femicide”, tha ajo tutje.
Ndërsa nuk është ndalë Haxhiu, e cila e akuzoi Musliun se po e legjitimon dhunën.
“Deputete Musliu ju e legjitimuar dhunën”, tha Haxhiu.
Muslu ironizoj me Haxhiun duke kërkuar mbrojtje zyrtare meqë ëshë grua dhe dikush mund ta vras në shesh sapo të dal.
“Nga sot kërkoi nga sot që shteti të më mbrojë se edhe unë jam grua, unë nga sot kërkoj mbrojtje zyrtare nga institucionet sepse kam frikë se nëse dal në shesh mund të me vras dikush, meqë sipas jush ka femicid dhe mund të më vras dikush veç pse jam grua.Është tmerri i kësaj shoqërisë që Ministrja e Drejtësi thotë se gratë vriten në Kosovë veç pse janë gra, kfilluni”, tha në fund Musliu./gazetametro.net
