Miroslav Lajcak, i dërguar i posaçëm i Bashkimit Europian, për dialogun Kosovë-Serbi, sot dhe nesër do të qëndrojë në Kosovë për një vizitë zyrtare, shkruan Gazeta Metro.
Gjatë kësaj vizite, i dërguari i BE’së do të zhvillojë takime me krerë të ndryshme të institucioneve shtetërore të Kosovës.
Përveç krerëve institucionale, Lajcak do të takohet edhe me krerët e partive opozitare.
Ai, gjatë këtyre takimeve me politikanët e shtetit të Kosovës, do të diskutojë rreth dialogut mes Kosovës dhe Serbisë, si dhe propozimit apo planit europian.
Vizita e Lajcak, po bëhet pas takimit që kryeministri i Kosovës, Albin Kurti dhe, presidenti i Serbisë Aleksandar Vucic, zhvilluan me 27 shkurt, takim në të cilin edhe u pranua zyrtarisht plani europian.
Duhet shtohet se, rundi i ri i dialogut, do të mbahet me 18 mars në Ohër të Maqedonisë së Veriut.
Në këtë takim, sipas BE’së qëllimi kryesor është që palët të arrijnë pajtim rreth modalitetit për zbatimin e propozimit europian.
Rreth kësaj, Kurti, ka deklaruar se po vazhdojnë përgatitjet për këtë takim
“Do të shohim se si do të mund t’ia bashkëngjisim propozimit të dakorduar evropian edhe një plan të mirëfilltë zbatimi që duhet të karakterizohet nga gjithpërfshirja dhe nga efikasiteti”, ka deklaruar Kurti.
Duhet shtohet edhe se, dokumenti i njohur si propozimi franko-gjerman, e ka mbështetjen edhe të Shtetve të Bashkuara të Amerikës.
Vlen të ceket se Lajcak, pas vizitës në Kosovë do të zhvillojë vizitë edhe në Serbi. /gazetametro.net
