Boris Tadiq, ish-presidenti i Serbisë, beson se pranimi i “zbatimit” të planit franko-gjerman për Kosovën është njësoj si një marrëveshje e nënshkruar dhe se Aleksandar Vuçiq nuk ka pse ta konfirmojë atë duke e nënshkruar fizikisht, transmeton Front Online.
“Qytetarët e Serbisë duhet ta dinë se presidenti i Serbisë duke pranuar zbatimin e kësaj marrëveshjeje PRANOI pavarësinë e Kosovës dhe anëtarësimin e Kosovës në OKB!!!”.
Sipas tij, për këtë nuk është e nevojshme të vihet fizikisht nënshkrimi në letër, në mënyrë që marrëveshja të bëhet ligjërisht e detyrueshme.
“Kur Vuçiq thotë se nuk do të marrë pjesë në zbatimin e disa pjesëve të marrëveshjes, është mashtrim i pastër, sepse me pranimin e zbatimit të së paku një pike, Serbia e pranon marrëveshjen në tërësi!”, ka shkruar Tadiq në postimet në rrjeti social Twitter.
/Front Online/
